ياكذبها قولة ترا الناس للناس

ياكذبها قولت : ( ترى الناس للناس )

.................... والسالفه ما عاد تحتاج تفكير !

اما تصير بموقفٍ يرفع .. الراس

.................. ولا عساها ما تحقق ولا تصير ..

قد لي ثلاث ايام حاير ومنحاس

.................. الحال ما به خير واقول انا بخير !

خايف تشمت عاذلٍ فيه وسواس

................. مهما تصاغرني يحس اني كبير .
.
من زود همي ما جذب عيني انعاس

............... كن السهر ( حاتم ) وجفني ( مسايير ) !!

كل النتايج تعترفلي بالافلاس

............... واضحك على نفسي واسوق التباشير ..

يا حظ ليتك تحشم معرّب الساس

................. ما كان جاني منك.. زله وتقصير ..

مابيك تغريني بضحكه ومجلاس

................. لو القناعه كنز عندي انا غير ؟!

لا ماقتنع بالطيب بحدود وقياس

................ يكبر فعين الغير وبعيني صغير ..

وان قلت شوف فلان يحطب بلا فاس

.................... بقول : ( لو به خير ما عافه الطير !! )

هذا وسجل يا قلم فوق قرطاس

.................... ابيات ما ودي تمر دون تفسير ..

اللي يبي صيتٍ وذكرٍ بنوماس

.............. يقضي حياته ما يحسب المخاسير ..

و
اللي يشوف الصح في فعل جساس

.............. بتشوم نفسه عن فعل سالم الزير !!

واللي ما حاش المجد بالدرع والطاس

................ ما هي بعيده.. لو يذم المناعير ..

واللي ما تطرب نفسه لفزعة ( دباس )

.............. من دون فزعاته يحصل معاذيير ..

يقوله اللي فوق خشم الخطا داس

.............. وطويق ما يشرهه على قاعت البير !!

وسلآمتكم

أخوات مبدعات في الحاسب الآلي..~

مررررره خطيررررررررره كادي رائعه جدا جدا

سلم الله يداكي ياااااارب

صحيح انو كثير كلامات ما فهمتها بس حلوووووووه خخخ

من جد خطتيـــره وآلخطر آلا منزله آلموووووضوع
ربي يعطيك آلف عــــآفيه

سلمت يمنآكـ

شااكرهـ مروركم اخواتي الغالياات

يسعدكم ربي

» وانا اعايــــــد الناس ..
» حتى تكون اسعد الناس ساااااااااااااااااااااااااااااااااامح!!!
» اخطاء شائعة بين الناس بالصور
» عامل الناس بأخلاقك وليس بأخلاقهم ؟‎
» فتاه سعوديه تجيب على بعض االتساؤلات التي تدورعند بعض من الناس