تخيل انك ريال في يديييين بخيل ^_^

تخيل انك ريال وفي يدين الـبــخيل
وتخيل انك كريم وفي يدينك ريال





الأول أعتز فيك ولا يبي لك بــــديل
والثاني ما انته في عينه من صفات الكمال




وتخيل انك تمر ناضج بروس النخيــل
ما يسقطه غير حذفات الحصى والنبال




وتخيل انك طموح وتعشق المستحيـــل
وعندك افكار لكن ما بحوزتك مال




وتخيل انك فقير وتركب اخر موديــل
من فين جات لك هنا وقف وسيب السؤال




وتخيل انك تساعد منكرين الجميـــل
وتعرف انك بنيت القصر فوق الهيال




وتخيل انك في تهمه ماعليها دليــل
مسجــون والخاتـمه تشنق بلفة حبال




وتخيل انك فلسطيني سكن بالخليـــل
والبيت يهدم وتفقد لك ثلاثة عيـــال




وتخيل انك مع الموساد تصبح عميــل
تمشي مع المسلمين وتحبك الاغتيــال




وتخيل انك فقدت أعز وافضل خليـــل
وانت اللي بيدينك ادخلته بجوف الرمال




وتخيل بدين الخصم تصبح دخيــــــل
وتخيل انك عن اصحاباك تشد الرحال




تبكي عليه السنين وتكتوي بالعويـل
تبغيه يرجع لها الدنيا وهذا محال




وتخيل انك بُليت بحمل شخص ثقيــــل
على كتوفك وتصعد سفوح الجبــــال




وتخيل انك جبان وتحتمي بالصهـــيل
واذا حمي الموقف اعماك الوجع والسعال




بالسهل تنسج خيال وتسفه أحلام ليـل
المشكله كل ذا واقع ماهو بالخيـال








منقول